ലാഹോര്‍: ഉത്തര്‍പ്രദേശില്‍ ഹരിപൂര്‍ ഗ്രാമത്തിലെ പൊവല്‍ മേഖലയില്‍ ബിജെപി നേതാവിനെ വെടിവച്ചു കൊന്നു. ക്ഷേത്ര പഞ്ചായത്ത് അംഗം കൂടിയായ അര്‍ജ്ജുന്‍ യാദവ്(46) ആണ് അജ്ഞാതരുടെ വെടിയേറ്റ് മരിച്ചത്. ജല്‍ദിപൂര്‍ സ്വദേശിയായ ഇദ്ദേഹം ഇവിടെ സ്വന്തമായി ഒരു ആയുര്‍വേദ കട നടത്തി വന്നിരുന്നു. വ്യാഴാഴ്ച രാത്രി കടയടച്ചതിന് ശേഷം വീട്ടിലേക്ക് മടങ്ങുമ്പോഴായിരുന്നു സംഭവം. വെടിയുതിര്‍ത്തതിന് ശേഷം അജ്ഞാതര്‍ ഓടി രക്ഷപെടുകയായിരുന്നു. നെഞ്ചിനാണ് വെടിയേറ്റത്.
സംഭവം ഉണ്ടായ ഉടന്‍ തന്നെ ഇദ്ദേഹത്തെ ഗ്രാമവാസികളും കുടുംബാംഗങ്ങളും ചേര്‍ന്ന് ആശുപത്രിയില്‍ എത്തിച്ചെങ്കിലും മരിച്ചിരുന്നു. കൊലപാതകത്തെ കുറിച്ച് കൂടുതല്‍ അന്വേഷണം നടക്കുകയാണെന്ന് പൊലീസ് സൂപ്രണ്ട് സുധീര്‍ കുമാര്‍ സിംഗ് പറഞ്ഞു. കൊലക്ക് കാരണം വ്യക്തമല്ലെന്നും, സംഭവത്തില്‍ ഉള്‍പ്പെട്ടവരെ ഉടന്‍ പിടികൂടുമെന്നും അദ്ദേഹം വ്യക്തമാക്കി. അതേസമയം സംഘര്‍ഷ സാധ്യത നിലനില്‍ക്കുന്നതിനാല്‍ പ്രദേശത്ത് മുഴുവന്‍ പൊലീസിനെ വിന്യസിച്ചിരിക്കുകയാണ്.
Post a Comment