തിരുവനന്തപുരം : കെഎസ്ആർടിസിയുടെ ഓൺലൈൻ സീറ്റ് ബുക്കിങ്ങിനുള്ള ‘എന്റെ കെഎസ്ആർടിസി’ മൊബൈൽ ആപ്, കെഎസ്ആർടിസി ലോജിസ്റ്റിക്‌സ് കാർഗോ സർവീസ് എന്നിവയുടെ ഉദ്ഘാടനവും ജനത സർവീസിന്റെ ലോഗോ പ്രകാശനവും മുഖ്യമന്ത്രി പിണറായി വിജയൻ നിർവഹിച്ചു. ലാഭകരമായ വ്യവസായ സംരംഭം എന്നതിലുപരി ജനങ്ങളോടു പ്രതിബദ്ധതയുള്ള സ്ഥാപനം എന്ന നിലയിലാണ് കെഎസ്ആർടിസിയെ സർക്കാർ കാണുന്നതെന്ന് മുഖ്യമന്ത്രി പറഞ്ഞു.
RELATED POSTS : അന്യ സംസ്ഥാന വാഹനങ്ങൾ കേരളത്തിൽ രെജിസ്റ്റർ ചെയ്യാം click here🖱️
അതുകൊണ്ടു തന്നെയാണ് പ്രതിസന്ധി ഘട്ടങ്ങളിൽ കെഎസ്ആർടിസിക്ക് ആവശ്യമായ സഹായം സർക്കാർ നൽകുന്നത്. കോവിഡ് സാഹചര്യം സൃഷ്ടിച്ച പ്രതിസന്ധിയിൽനിന്ന് കരകയറാൻ കാർഗോ സർവീസ് കെഎസ്ആർടിസിയെ സഹായിക്കും. സർക്കാർ വകുപ്പുകൾ, പൊതുമേഖല സ്ഥാപനങ്ങൾ, ഭരണഘടന സ്ഥാപനങ്ങൾ, സ്വകാര്യ സംരംഭകർ എന്നിവർക്ക് മിതമായ നിരക്കിൽ പാഴ്സലുകൾ കെഎസ്ആർടിസി മുഖേന അയയ്ക്കാൻ കഴിയും.
RELATED POSTS: വാഹനത്തിൽ മാറ്റം വരുത്താൻ നിയമപ്രകാരം അനുമതിയുള്ളത് എന്തൊക്കെ, എന്തൊക്കെ പാടില്ല? CLICK MOUSE🖱️
ആദ്യഘട്ടത്തിൽ സെക്രട്ടേറിയറ്റിൽനിന്ന് ഹൈക്കോടതി, വിവിധ കലക്ടറേറ്റുകൾ, മറ്റു പ്രധാന ഓഫിസുകൾ എന്നിവിടങ്ങളിലേക്കുള്ള പാഴ്സലുകളും ഫയലുകളും അയയ്ക്കും. കൂടാതെ കെഎംഎസ്‌സിഎല്ലിൽ നിന്നുള്ള മരുന്നും പിആർഡി, കുടുംബശ്രീ എന്നിവയുടെ തപാലുകളും അയയ്ക്കും. അടുത്ത ഘട്ടത്തിൽ പിഎസ്‌സി, സർവകലാശാലകൾ, പരീക്ഷാ ഭവൻ എന്നിവിടങ്ങളിൽ നിന്നുള്ള ചോദ്യപേപ്പറുകളും ഉത്തരക്കടലാസുകളും ജിപിഎസ് ഉൾപ്പെടെ സുരക്ഷാ സംവിധാനങ്ങളുമുള്ള വാഹനങ്ങളിൽ ബന്ധപ്പെട്ട കേന്ദ്രങ്ങളിൽ എത്തിക്കും.
ദിവസവും പതിനായിരത്തിലധികം യാത്രക്കാരാണ് കെഎസ്ആർടിസിയുടെ ഓൺലൈൻ സംവിധാനം ഉപയോഗിച്ച് ടിക്കറ്റ് ബുക്ക് ചെയ്യുന്നത്. ഇതിൽ നല്ലൊരു ശതമാനവും മൊബൈൽ ഫോൺ ഉപയോഗിച്ചാണ് ടിക്കറ്റ് ബുക്ക് ചെയ്യുന്നത്. പുതിയതായി ആരംഭിച്ച മൊബൈൽ ആപ് ടിക്കറ്റ് ബുക്കിങ് സൗകര്യപ്രദമാക്കുമെന്നും മുഖ്യമന്ത്രി പറഞ്ഞു. ഗതാഗതമന്ത്രി എ.കെ.ശശീന്ദ്രൻ, സെക്രട്ടറി കെ.ആർ.ജ്യോതിലാൽ, സിഎംഡി ബിജു പ്രഭാകർ എന്നിവർ പങ്കെടുത്തു
Post a Comment