കാസറഗോഡ് :
ജില്ലയിലെ ജനമൈത്രി പോലീസിന്റെയും കേരള പാരാമെഡിക്കൽ ലബോറട്ടറി ഓണേഴ്സ് ഫെഡറേഷന്റെയും സഹകണത്തോടെ സൗജന്യമായി വീടുകളിൽ ചെന്ന് മെഡിക്കൽ സേവനങ്ങൾ ചെയ്യാൻ വേണ്ടി ഒരു മാസത്തെ ട്രൂ ലൈഫ് കെയർ കാമ്പയിൻ തുടങ്ങുന്നതിന്റെ ഭാഗമായി കോവിഡ്കാലയളവിൽ കൈത്താങ്ങാവുകയും കോവിഡ് പ്രതിരോധ പ്രവർത്തനങ്ങൾക്ക് സജീവവുമായ ജില്ലയിലെ കനിവ് 108 ആംബുലൻസിലെ ജീവനക്കാർക്കും കാസറഗോഡ് ജനമൈത്രി പോലീസിനുമുള്ള ആദരവ് ജില്ലാ കളക്ടർ ഡോ.സജിത്ത് ബാബു IAS വിതരണം ചെയ്തു. ജില്ലാ ഡെപ്യൂട്ടി മെഡിക്കൽ ഓഫീസർ മനോജ്, ജനമൈത്രി പോലീസുകാരായ മധു കരകടവത്ത്,പ്രവീൺ കുമാർ ,കെ പി എൽ ഒ എഫ് ജില്ലാ പ്രസിഡന്റ് അബൂയാസർ , ട്രൂ ലൈഫ് കോർഡിനേറ്റർ അസ്ക്കർ കീഴൂർ അഫീഫ് ,കനിവ്വ് 108 നോർത്ത് കേരളാ പ്രൊ.മാനേജർ രമേഷൻ KP തുടങ്ങിയവർ ചടങ്ങിൽ പങ്കെടുത്തു.
കോവിഡ് കാലയളവിൽ ജനങ്ങൾ ആരോഗ്യ കേന്ദ്രങ്ങളെ സമീപിക്കുന്നത് ഗണ്യമായി കുറഞ്ഞിരിക്കുന്ന ഈ കൊറോണയുടെ സമയത്ത് ഭയന്ന് അത്യാവശ്യമായി ലഭിക്കേണ്ട ചികിത്സയും,മരുന്നുകളും മറ്റും നിസ്സഹായമായി ഒഴിവാക്കുകയാണ് പലരും.അത് മറ്റൊരു തരത്തിലുള്ള വിപത്തിലേക്കും നയിക്കുന്നു.ഈ സാഹചര്യത്തിൽ കോവിഡ് മാനദണ്ഡങൾ പാലിച്ചുകൊണ്ട് സുരക്ഷയെ പ്രധാനമായിക്കണ്ട് കൊണ്ട് ജനങ്ങളെ ആരോഗ്യ മേഖലയുമായി ബന്ധിപ്പിക്കുക എന്നതാണ് ട്രൂ ലൈഫ് കെയർ (True Life Care) എന്ന പദ്ധതിയുടെ ലക്ഷ്യം.
സൗജന്യമായി വീടുകളിൽ ചെന്ന് ഇ-സഞ്ജീവനി എന്ന ഗവൺമെന്റ് പദ്ധതി ഉപയോഗിച്ച് ഡോക്ടറുടെ ഓൺലൈൻ കൺസൾട്ടേഷൻ ,കിടപ്പിലായ രോഗികളുടെ രക്ത,മൂത്ര പരിശോധനക്കുള്ള സാമ്പിൾ എടുക്കുക,സൗജന്യ ഷുഗർ-പ്രഷർ പരിശോധന, കിടപ്പിലായരോഗികൾക്ക് വേണ്ട പരിചരണം എന്നിങ്ങനെയുള്ള സേവനങ്ങൾ ചെയ്യാൻ ഉദ്ദേശിക്കുന്നു.
പൊതു ജനങ്ങൾക്ക് ഉപകാരപ്പെടുന്ന ഈ പദ്ധതി അന്തിമ ഘടത്തിലാണെന്നും ജില്ലാ മെഡിക്കൽ ഓഫീസറുടെ അനുമതി കിട്ടിയാലുടനെ സേവനം ആരംഭിക്കുമെന്നും ട്രൂ ലൈഫ് കെയർ കോർഡിനേറ്റർ അസ്ക്കർ കീഴൂർ,അഫീഫ് ഐ ടി ഐ എന്നിവർ അറിയിച്ചു.
കൂടുതൽ വിവരങ്ങൾക്കും സേവനങ്ങൾക്കും 8301061969 എന്ന നമ്പറിൽ ബന്ധപ്പെടാം.
Post a Comment