കഴിഞ്ഞ ഒക്‌േടാബര്‍ 12നാണ്‌ കേസിനാസ്‌പദമായ സംഭവം. മൊബൈല്‍ ഫോണില്‍ പണം ട്രാന്‍സ്‌ഫര്‍ ചെയ്പ്പെട്ടയത്‌ സംബന്ധിച്ച മെസേജുകള്‍ കണ്ട്‌ അക്കൗണ്ട്‌ സ്‌േറ്ററ്റ്‌മെന്റ്‌ എടുത്ത്‌ പരിശോധിച്ചപ്പോഴാണ്‌ ഒരു ലക്ഷത്തിലേറെ രൂപ നഷ്‌ടപ്പെട്ടതായി മനസിലായത്‌. തുടര്‍ന്ന്‌ പോലീസില്‍ പരാതി നല്‍കിയതിന്റെ അടിസ്‌ഥാനത്തില്‍ മഞ്ചേരി പോലീസ്‌ കേസ്‌ രജിസ്‌റ്റര്‍ ചെയ്യുകയായിരുന്നു. കേസിലെ മറ്റു പ്രതികളായ താനെ ഭരത്‌ ഗുര്‍മുഖ്‌ ജെതാനി (20), നവി മുംബൈ ക്രിസ്‌റ്റഫര്‍ (20) എന്നിവരെ കഴിഞ്ഞ നവംമ്പറില്‍ മുംബൈയില്‍നിന്ന്‌ അറസ്റ്റ് ചെയ്‌തിരുന്നു. ഇവര്‍ റിമാന്റിലാണ്‌.
വിവിധ ഫിഷിങ്‌ വെബ്‌സൈറ്റുകള്‍ ഉപയോഗിച്ച്‌ വ്യക്‌തികളുടെ ഇന്റര്‍നെറ്റ്‌ ബാങ്കിങ്‌ യൂസര്‍ ഐഡിയും പാസ്‌വേഡും ക്രാക്ക്‌ ചെയ്യുന്ന പ്രതികള്‍ പിന്നീട്‌ അതുവഴി അക്കൗണ്ടിലെ പണം ഹാക്ക്‌ ചെയ്യുകയും ആ പണം ഉപയോഗിച്ച്‌ ഗിഫ്‌റ്റ്‌ വൗച്ചറുകളും വ്യാജ വിലാസങ്ങള്‍ നല്‌കി വസ്‌തുക്കള്‍ വാങ്ങുകയുമാണ്‌ ചെയ്യുന്നത്‌. ഇത്തരത്തില്‍ വാങ്ങുന്ന ഗിഫ്‌റ്റ്‌ വൗച്ചറുകള്‍ ഓണ്‍ലൈന്‍ വഴി വില്‍പ്പന നടത്തിയാണ്‌ പ്രതികള്‍ പണമാക്കി മാറ്റുന്നത്‌. നേരിട്ട്‌ പണമാക്കി മാറ്റിയാല്‍ എളുപ്പത്തില്‍ പിടിക്കപ്പെടാം എന്നതിനാലാണ്‌ ഇത്തരത്തില്‍ സമര്‍ത്ഥമായി കാര്യങ്ങള്‍ ചെയ്യുന്നത്‌. ഇതുകൂടാതെ ആമസോണ്‍, ഫളിപ്പ്‌കാര്‍ട്ട്‌ പോലുള്ള ഇ-വാലറ്റ്‌ അക്കൗണ്ടുകള്‍ ഹാക്ക്‌ ചെയ്‌ത്‌ ഗിഫ്‌റ്റ്‌ വൗച്ചറുകള്‍ നേരിട്ട്‌ തട്ടിയെടുക്കുന്നുമുണ്ട്‌. ഇതര വ്യക്‌തികളുടെ തിരിച്ചറിയല്‍ രേഖകള്‍ ഉപയോഗിച്ച്‌ എടുത്ത സിം കാര്‍ഡുകളും വ്യാജ ഐ.പി. വിലാസങ്ങളും ഉപയോഗിച്ചാണ്‌ ഹാക്കിങ്‌ നടത്തുന്നത്‌.
പോലീസ്‌ സംഘം കഴിഞ്ഞ ഒരു മാസത്തോളമായി മധ്യപ്രദേശ്‌, പഞ്ചാബ്‌, ഹരിയാന, മഹാരാഷ്ര്‌ട തുടങ്ങിയ സംസ്‌ഥാനങ്ങളിലായി പ്രതിയുടെ നീക്കങ്ങള്‍ നിരീക്ഷിച്ച്‌ താമസിച്ചുവരികയായിരുന്നു. ഹാക്കിങ്ങിലൂടെ സമ്പാദിക്കുന്ന പണം ഉപയോഗിച്ച്‌ ആഢംഭര ജീവിതമാണ്‌ പ്രതികള്‍ നയിച്ചിരുന്നത്‌. മലപ്പുറം ജില്ലാ പോലീസ്‌ മേധാവി എസ്‌. സുജിത്ത്‌ ദാസിന്റെ നിര്‍ദ്ദേശപ്രകാരം മഞ്ചേരി സൈബര്‍ ഫോറന്‍സിക്‌ ടീം അംഗം എന്‍.എം. അബ്‌ദുല്ല ബാബു, സ്‌പെഷല്‍ ഇന്‍വെസ്‌റ്റിഗേഷന്‍ ടീം അംഗങ്ങളായ കെ. സല്‍മാന്‍, എം.പി. ലിജിന്‍, കെ.വി. ജുനൈസ്‌ ബാബു എന്നിവരാണ്‌ പ്രതിയെ അറസ്റ്റ് ചെയ്‌തത്‌.
Post a Comment