ഇടതുപക്ഷത്തിന് വോട്ടുതേടി പുരോഗമന കലാ സാഹിത്യ സംഘം (പു.ക.സ) ഇറക്കിയ വിവാദ വിഡിയോയിലെ നായികയായ പ്രശസ്ത സിനിമ നടി തെസ്നിഖാൻ യു.ഡി.എഫ് സ്ഥാനാർഥി ധർമജനുവേണ്ടി വോട്ടഭ്യർഥിച്ച് കോഴിക്കോട് ബാലുശ്ശേരി മണ്ഡലത്തിൽ പര്യടനം നടത്തി. സഖാവ് നമ്മുടെ ചങ്കാണ്, ഇരട്ടച്ചങ്കൻ പൊളിയാണ്..’ എന്ന് പാട്ടുപാടിയ നടി തെസ്നിഖാനാണു കോൺഗ്രസിന് വോട്ട് തേടി പ്രചാരണത്തിനിറങ്ങി. ഇതാണ് പി.ആർ വർക്കും യാഥാർഥ്യവും തമ്മിലുള്ള വ്യത്യാസമെന്ന് സോഷ്യൽ മീഡിയയിൽ പരിഹാസമുയർന്നു.
തെസ്നി ഖാനെ നായികയാക്കി പുകസ എറണാകുളം ജില്ലാ കമ്മിറ്റി ഇറക്കിയ ഹ്രസ്വ വീഡിയോ ഉള്ളടക്കത്തിന്‍റെ പേരിൽ വൻ വിവാദമായിരുന്നു. വിഡിയോയിലൂടെ പ്രചരിപ്പിക്കുന്ന ‘പിന്തിരിപ്പൻ’ സ്വഭാവവും മുസ്ലിംകളെ തീവ്രവാദ മുദ്രകുത്തിയതും വ്യാപകമായ വിമർശനങ്ങൾക്കിടയാക്കി. തുടർന്ന് വീഡിയോകൾ പിൻവലിക്കാൻ സംഘടന നിർബന്ധിതമാവുകയായിരുന്നു. ഗുണനിലവാരം ഇല്ലെന്ന തിരിച്ചറിവിനെ തുടർന്നാണ് ഈ വീഡിയോകൾ പിൻവലിച്ചതെന്ന് പുകസ സംസ്ഥാന പ്രസിഡന്‍റ് ഷാജി എൻ കരുൺ വ്യക്തമാക്കിയിരുന്നു
Post a Comment