ലോകത്തിലെ ഏറ്റവും മികച്ച നഗരങ്ങളുടെ പട്ടികയിൽ അഞ്ചാമത് ഇടം പിടിച്ച് ദുബായ്. റിസൊണൻസ് കൺസൽട്ടസി പുറത്തു വിട്ട പട്ടികയിലാണ് ലോകത്തെ അഞ്ചാമത്തെ മികച്ച നഗരമായി ദുബായിയെ തെരഞ്ഞെടുത്തത്. ലണ്ടൻ, പാരീസ്, ന്യൂയോർക്ക്, മോസ്കോ എന്നിവയാണ് ദുബായ്ക്ക് മുമ്പിലുള്ള മികച്ച നഗരങ്ങൾ. 10 ലക്ഷത്തിൽ കൂടുതൽ ജന സംഖ്യയുള്ള നഗരങ്ങളിൽ മികച്ച നഗരത്തെ വിവിധ മാനദണ്ഡങ്ങൾ വെച്ച് തെരഞ്ഞെടുക്കുകയാണ് റെസൊണെൻസ് കൺസൽട്ടൻസി ചെയ്യുന്നത്.
വികസനത്തോടും വളർച്ചയോടൊപ്പവും തന്നെ ലോകത്തെ ഏറ്റവും സുരക്ഷയുള്ള നഗരമാണ് യുഎഇ എന്നതും അത്ഭുതമാണെന്ന് റിപ്പോർട്ടിൽ പറയുന്നു. ടോക്കിയോ, സിംഗപ്പൂർ, ലോസ് ആഞ്ചലസ് എന്നിവയാണ് ദുബായ്ക്ക് പിന്നിലുള്ള മികച്ച നഗരങ്ങൾ.
ഈ മാറ്റങ്ങൾ യാദൃശ്ചികമായി സംഭവിച്ചതല്ലെന്നും 2010 കളിൽ ഈ നഗരം തുടരെ നവീകരിക്കപ്പെടുകയും അന്തരാഷ്ട്ര ടൂറിസം, ബിസിനസ് സ്ഥലമായി മാറുകയും ചെയ്തെന്നും റിപ്പോർട്ടിൽ പറയുന്നു.
Post a Comment