നിങ്ങളുടെ സ്മാർട്ട്‌ഫോണിൽ ഡ്രൈവിങ് ലൈസൻസ് എങ്ങനെ സൂക്ഷിക്കാം?

ഡിജിറ്റൽ ഇന്ത്യ പദ്ധതിയുടെ ഭാഗമായി 2018-ൽ, ഡിജിലോക്കർ ആപ്പിൽ ഡ്രൈവിങ് ലൈസൻസ് അപ്‌ലോഡ് ചെയ്യാനുള്ള സംവിധാനം കേന്ദ്ര സർക്കാർ അവതരിപ്പിച്ചിട്ടുണ്ട്. ലൈസൻസിന്റെ യഥാർത്ഥ കോപ്പി കൈവശം ഇല്ലെങ്കിൽ ഡിജിലോക്കറിലൂടെ പ്രദർശിപ്പിക്കാവുന്നതാണ്.

ഇന്ത്യയിൽ ഒരു വാഹനമോടിക്കാൻ ഡ്രൈവിങ് ചെയ്യുന്ന വ്യക്തിക്ക് ലൈസൻസ് വേണം എന്നത് നിർബന്ധമാണ്. എന്നാൽ ഈ ഡ്രൈവിങ് ലൈസൻസിന്റെ സോഫ്റ്റ് കോപ്പി നിങ്ങളുടെ സ്മാർട്ട്ഫോണിൽ സൂക്ഷിക്കണോ അതോ യഥാർത്ഥ ലൈസൻസ് വാഹനമോടിക്കുമ്പോൾ കയ്യിൽ കരുത്തേണ്ടതുണ്ടോ? പലർക്കുമുള്ളൊരു സംശയമാണിത്. ഡിജിറ്റൽ ഇന്ത്യ പദ്ധതിയുടെ ഭാഗമായി 2018-ൽ, ഡിജിലോക്കർ (DigiLocker), എംപരിവാഹൻ (mParivahan) അപ്പുകളിൽ അപ്‌ലോഡ് ചെയ്തിരിക്കുന്ന ഡ്രൈവിംഗ് ലൈസൻസും വാഹന രജിസ്ട്രേഷനും സ്വീകരിക്കാൻ സംസ്ഥാനങ്ങൾക്ക് കേന്ദ്ര സർക്കാർ നിർദേശം നൽകിയിട്ടുണ്ട്.

എവിടെയെങ്കിലും യാത്ര ചെയ്യുമ്പോൾ നിങ്ങളുടെ ഡ്രൈവിങ് ലൈസൻസിന്റെ യഥാർത്ഥ കോപ്പി കൈവശം ഇല്ലെങ്കിൽ മേല്പറഞ്ഞ ആപ്പിലൂടെ ഡിജിറ്റൽ കോപ്പി അധികാരികൾ ആവശ്യപ്പെട്ടാൽ പ്രദർശിപ്പിക്കാവുന്നതാണ്. മാത്രമല്ല ഡ്രൈവിങ് ലൈസൻസ് നിങ്ങളുടെ സ്മാർട്ട്‌ഫോണിൽ സൂക്ഷിക്കുന്നത് യഥാർത്ഥ കോപ്പി നഷ്‌ടപ്പെടാതെയും മോഷണം പോകാതെയും സൂക്ഷിക്കാനും സഹായകരമായാണ്.

എങ്ങനെ നിങ്ങളുടെ സ്മാർട്ട്‌ഫോണിൽ ഡ്രൈവിങ് ലൈസൻസ് സൂക്ഷിക്കാം?👇👇👇👇

ആദ്യം നിങ്ങൾ ഡിജിലോക്കർ ആപ്പ് ഡൗൺലോഡ് ചെയ്യേണ്ടതുണ്ട്. 👇👇

DOWNLOAD APP

തുടർന്ന് നിങ്ങളുടെ ഫോൺ നമ്പറും ആധാർ കാർഡും ഉപയോഗിച്ച് ഡിജിലോക്കറിൽ ഒരു അക്കൗണ്ട് ആരംഭിക്കണം. പിന്നീട്...

1. ഡിജിലോക്കർ ആപ്പ് തുറന്ന് നിങ്ങളുടെ യുസർ നെയിമും ആറക്ക പിൻ നമ്പറും ഉപയോഗിച്ച് സൈൻ ഇൻ ചെയ്യുക. തുടർന്ന് നിങ്ങളുടെ രജിസ്റ്റർ ചെയ്ത ഫോണിൽ ഒറ്റത്തവണ പാസ്‌വേഡ് (OTP) ലഭിക്കും.
2. സൈൻ ഇൻ ചെയ്‌തുകഴിഞ്ഞാൽ, ഗെറ്റ് ഇഷ്യുഡ് ഡോക്യൂമെന്റസ് (Get Issued Documents) ബട്ടണിൽ ക്ലിക്ക് ചെയ്യുക.
3. സെർച്ച് ബാറിൽ "ഡ്രൈവിങ് ലൈസൻസ്" എന്ന പദം സെർച്ച് ചെയ്യുക.
4. നിങ്ങൾക്ക് ഡ്രൈവിങ് ലൈസൻസ് ലഭിച്ച സംസ്ഥാന സർക്കാർ തിരഞ്ഞെടുക്കുക

5. നിങ്ങളുടെ ഡ്രൈവിങ് ലൈസൻസ് നമ്പർ നൽകി ഗെറ്റ് ഡോക്യുമെന്റ് (Get Document) ബട്ടൺ അമർത്തുക. നിങ്ങളുടെ ഡാറ്റ പങ്കിടുന്നതിന് ഡിജിലോക്കറിന് നിങ്ങളുടെ സമ്മതം നൽകുന്നതിന് ചെക്ക്ബോക്സിൽ ക്ലിക്ക് ചെയ്തു എന്ന് ഉറപ്പാക്കുക.

6. ഡിജിലോക്കർ ഗതാഗത വകുപ്പിൽ നിന്ന് നിങ്ങളുടെ ഡ്രൈവിങ് ലൈസൻസ് ലഭ്യമാക്കും.

7. ഗെറ്റ് ഇഷ്യുഡ് ഡോക്യൂമെന്റസ് ലിസ്റ്റിലേക്ക് പോയി നിങ്ങൾക്ക് നിങ്ങളുടെ ലൈസൻസിന്റെ സോഫ്റ്റ് കോപ്പി കാണാം.
8. PDF ബട്ടണിൽ ക്ലിക്ക് ചെയ്ത് ഡ്രൈവിങ് ലൈസൻസ് സോഫ്റ്റ് കോപ്പി ഡൗൺലോഡ് ചെയ്യാം .
9. ഡിജിലോക്കർ ആപ്പിൽ ലൈസൻസിന്റെ ഒരു കോപ്പി ഉണ്ടാവുകയും ചെയ്യും.