കോഴിക്കോട്: കരിപ്പൂർ വിമാനത്താവളത്തിൽ വീണ്ടും സ്വർണം പിടിച്ചു. നികുതി വെട്ടിച്ച് കടത്താൻ ശ്രമിച്ച 17 ലക്ഷം രൂപ വിലമതിക്കുന്ന 350 ഗ്രാം സ്വർണമാണ് പിടികൂടിയത്. സ്വർണവുമായെത്തിയ കാസർകോട് സ്വദേശി ഖാദറാണ് പിടിയിലായത്. കരിപ്പൂർ വിമാനത്താവളത്തിൽ നിന്നും ബുധനാഴ്ച പുലർച്ചെയാണ് സ്വർണം പിടികൂടിയത്. എയർ അറേബ്യ വിമാനത്തിൽ ഷാർജയിൽ നിന്നും കൊണ്ടുവന്ന സ്വർണമാണ് പിടികൂടിയത്. ഹാൻഡ്ബാഗേജിനോട് ചേർന്നുള്ള കാർഡ്ബോർഡിനുള്ളിൽ ഫോയിൽ രൂപത്തിലാണ് കടത്താൻ ശ്രമിച്ചത്. കസ്റ്റംസിന്റെകസ്റ്റഡിയിലാണ് പിടിയിലായ ഖാദർ.
Post a Comment