തീ പിടിച്ച് കത്തിനശിച്ച് ഓല സ്കൂട്ടർ; അന്വേഷണം പ്രഖ്യാപിച്ച് കമ്പനി

തീ പിടിച്ച് കത്തിനശിച്ച് ഓല സ്കൂട്ടർ. പുണെയിലാണ് അപകടം നടന്നത്. വിഡിയോ സമൂഹമാധ്യമങ്ങളിൽ വൈറലായതിനെ തുടർന്ന് സംഭവത്തെക്കുറച്ച് അന്വേഷണം പ്രഖ്യാപിച്ചിരിക്കുകയാണ് കമ്പനി.

പുണെയിൽ നടന്ന തീപിടുത്തത്തെക്കുറിച്ച് അറിഞ്ഞെന്നും എന്താണ് സംഭവിച്ചതെന്ന് മനസിലാക്കിയതിന് ശേഷം കൂടുതൽ വിവരങ്ങൾ പങ്കുവയ്ക്കാമെന്നുമാണ് കമ്പനി അറിയിക്കുന്നത്. കൂടാതെ വാഹനത്തിന്റെ ഉടമയുമായി ബന്ധപ്പെട്ടെന്നും അദ്ദേഹം സുരക്ഷിതനാണെന്നും ഓല പറയുന്നു.

കഴിഞ്ഞ വർഷമാണ് ഓല ഇലക്ട്രിക് സ്കൂട്ടർ അവതരിപ്പിച്ചത്.

ഓല സ്കൂട്ടറുകളോടൊപ്പം തന്നെ മികച്ച സ്കൂട്ടറുകൾ വിപണിയിലുണ്ടെങ്കിലും ഇവയ്ക്ക് ലഭിച്ച ജനശ്രദ്ധ മറ്റൊരു വാഹനത്തിനും ലഭിച്ചിട്ടില്ല. മികച്ച രൂപകല്‍പന, പ്രകടനം, സാങ്കേതികവിദ്യ എന്നിവയുമായാണ് ഓലയുടെ സ്കൂട്ടർ വിപണിയിലെത്തിയത്. ഒരു പ്രാവശ്യം ചാർജ് ചെയ്താൽ ഏകദേശം 135 കിലോമീറ്റർ വാഹനം ഓടും.

പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ 3 സെക്കൻഡ് മാത്രം വേണ്ടിവരുന്ന വാഹനത്തിന്റെ ഉയർന്ന വേഗം 115 കിലോമീറ്ററാണ്. 1,29,999 രൂപയാണ് എസ് വൺ പ്രോയുടെ എക്സ്ഷോറൂം വില.