വിവാഹത്തില്‍ പങ്കെടുത്ത് മടങ്ങിയവര്‍ സഞ്ചരിച്ച കാര്‍ കിണറ്റില്‍ വീണ് ആറ് പേര്‍ മരിച്ചു

ഭോപ്പാൽ: മധ്യപ്രദേശിൽ വാഹനം കിണറ്റിൽ വീണ് ആറ് പേർ മരിച്ചു. മൂന്ന് പേർക്ക് പരിക്കേറ്റു. ഛതർപുരിലെ മഹാരാജ്പുരിൽ ചൊവ്വാഴ്ചയാണ് അപകടമുണ്ടായത്.

വിവാഹച്ചടങ്ങിൽ പങ്കെടുത്ത് മടങ്ങുകയായിരുന്ന ഒമ്പത് പേരാണ് വാഹനത്തിൽ ഉണ്ടായിരുന്നത്. രാത്രിയിലായിരുന്നു അപകടം.

വിവാഹത്തിൽ പങ്കെടുത്ത് മടങ്ങുകയായിരുന്ന ഒമ്പത് പേർ സഞ്ചരിച്ച വാഹനം രാത്രിയിൽ കിണറ്റിൽ വീണുണ്ടായ അപകടത്തിൽ ആറ് പേർ മരിച്ചതായി മഹാരാജ്പുർ പോലീസ് സ്റ്റേഷൻ ഇൻ ചാർജ് സെഡ് വൈ ഖാൻ സ്ഥിരീകരിച്ചിട്ടുണ്ട്