സുഗന്ധ വ്യാപാരിയുടെ വീട്ടിൽ റെയ്ഡ് 150 കോടി രൂപയുടെ നോട്ട്കെട്ട് കണ്ടെടുത്തു

ഇതുവരെ എണ്ണിത്തീർത്ത് 150 കോടിയോളം രൂപ. ഇനിയും എണ്ണാനുള്ളത് ഏറെ. ഉത്തർപ്രദേശിലെ വ്യവസായിയുടെ വീട്ടിൽ നടത്തിയ റെയിഡിൽ കണ്ടെത്തിയത് നോട്ടുകെട്ടുകളുടെ വൻകൂമ്പാരം. കാൻപൂരിലെ സുഗന്ധ വ്യഞ്ജന വ്യാപാരിയായ പിയുഷ് ജെയിനിൽ നിന്നാണ് ഇത്രമാത്രം പണം ആദായനികുതി വകുപ്പ് കണ്ടെത്തിയത്. നോട്ടെണ്ണുന്ന ഉദ്യോഗസ്ഥരുടെ ചിത്രങ്ങളും പുറത്തുവന്നിട്ടുണ്ട്. ഇതുവരെ 150 കോടിയോളം രൂപ കണ്ടെത്തിയെന്നാണ് റിപ്പോർട്ട്.

ജെയിനിന്റെ ഉടമസ്ഥതയിലുള്ള മുംബൈയിലേയും ഗുജറാത്തിലേയും സ്ഥാപനങ്ങളിലും ഇതേ രീതിയിൽ റെയ്ഡ് നടക്കുന്നുണ്ട്. നികുതി വെട്ടിച്ചതുമായി ബന്ധപ്പെട്ട് ജിഎസ്ടി ഉദ്യോഗസ്ഥരാണ് ആദ്യം പരിശോധനയ്ക്ക് എത്തിയത്. പിന്നാലെ വൻനോട്ട് ശേഖരം കണ്ടെത്തിയതോടെ ആദായ നികുതി വകുപ്പും ഒപ്പം ചേർന്നു. 

യുപിയിൽ അഖിലേഷിന്റെ സമാജ്​വാദി പാർട്ടിയെ പിന്തുണയ്ക്കുന്ന വ്യവസായി കൂടിയാണ് ഇദ്ദേഹം.

സമാജ്​വാദി പാർട്ടിയുടെ പേരിൽ 'സമാജ്​വാദി അത്തർ' കഴിഞ്ഞ നവംബറിൽ പിയുഷ് ജെയിൻ പുറത്തിറക്കിയിരുന്നു. തിരഞ്ഞെടുപ്പ് പ്രചാരണം െകാഴുക്കുമ്പോൾ അഖിലേഷിനെ പ്രതിസന്ധിയിലാക്കാൻ ഈ റെയ്ഡിന് കഴിയുെമന്നാണ് ഉയരുന്ന വാദം. ബിജെപി നേതാക്കളും റെയ്ഡിന്റെ ചുവട് പിടിച്ച് എസ്പിക്കെതിരെ രംഗത്തെത്തി.

വീഡിയോ കാണാൻ 👇