ബ്യൂണസ് ഐറിസ്: അന്തരിച്ച ഫുട്ബോള്‍ ഇതിഹാസം ഡീഗോ മറഡോണയുടെ ചിത്രം രാജ്യത്തെ കറന്‍സികളില്‍ ഉള്‍പ്പെടുത്തണമെന്ന് ആവശ്യം. ഇതുസംബന്ധിച്ച പ്രത്യേക ബില്‍ പാര്‍ലമെന്റില്‍ അവതരിപ്പിച്ചു. സെനറ്റര്‍ നോര്‍മ ഡുറാങ്കോയാണ് ഇക്കഴിഞ്ഞ തിങ്കളാഴ്ച ഈ ആവശ്യം ഉന്നയിച്ച് പ്രത്യേക ബില്‍ പാര്‍ലമെന്റില്‍ അവതരിപ്പിച്ചത്.
അര്‍ജന്റീനയുടെ കറന്‍സിയായ 1000 പെസോ നോട്ടിന്റെ ഒരു ഭാഗത്ത് മാറഡോണയുടെ മുഖവും മറുവശത്ത് 1986-ലെ മെക്സിക്കോ ലോകകപ്പില്‍ ജൂണ്‍ 22-ന് മാറഡോണ ഇംഗ്ലണ്ടിനെതിരേ നേടിയ നൂറ്റാണ്ടിന്റെ ഗോളിന്റെ ചിത്രവും ആലേഖനം ചെയ്യണമെന്നാണ് ബില്ലിലെ പ്രത്യേക ആവശ്യം.
അര്‍ജന്റീനയിലെ ഏറ്റവും ഉയര്‍ന്ന മൂല്യമുള്ള കറന്‍സിയാണ് 1000 പെസോ. ഇക്കഴിഞ്ഞ നവംബര്‍ 25-ന് ഹൃദയാഘാതത്തെ തുടര്‍ന്ന് ടിഗ്രെയിലെ സ്വവസതിയലായിരുന്നു മാറഡോണയുടെ അന്ത്യം.
إرسال تعليق