ഇന്ത്യയുടെ കരുത്തായി കൂടുതൽ റഫേൽ വിമാനങ്ങൾ അടുത്തമാസം എത്തും; പ്രഹരശേഷി ഉയർത്താൻ വ്യോമസേന

ന്യൂഡൽഹി : 

ഇന്ത്യൻ വ്യോമസേനയുടെ പ്രഹരശേഷം ഇരട്ടിപ്പിക്കാൻ കൂടുതൽ റഫേൽ വിമാനങ്ങൾ ഉടനെത്തും. 10 വിമാനങ്ങളാണ് വ്യോമസേനയുടെ ഭാഗമാകാൻ അടുത്ത മാസം രാജ്യത്തെത്തുക. ഇതോടെ ഇന്ത്യയുടെ പക്കലുള്ള റഫേൽ വിമാനങ്ങളുടെ എണ്ണം 21 ആയി ഉയരും.

ആകെ വിമാനങ്ങളിൽ മൂന്ന് വിമാനങ്ങൾ ഏപ്രിൽ ആദ്യവാരം ഫ്രാൻസിൽ നിന്നും നേരിട്ട് ഇന്ത്യയിൽ എത്തും. ഇതിന് പിന്നാലെ ഏഴ് യുദ്ധ, പരിശീലന വിമാനങ്ങൾ അടുത്ത മാസം രണ്ടാംവാരത്തോട് കൂടിയാകും രാജ്യത്ത് എത്തുക. 36 റഫേൽ വിമാനങ്ങൾക്കായുള്ള കരാറിലാണ് ഫ്രാൻസിന്റെ ദസോൾട്ട് ഏവിയേഷനുമായി ഇന്ത്യ ഒപ്പിട്ടത്. കരാർ പ്രകാരം ആദ്യ സ്‌ക്വാഡ്രൺ വിമാനങ്ങൾ കഴിഞ്ഞ വർഷം സെപ്തംബറിലും, രണ്ടാം ബാച്ച് വിമാനങ്ങൾ കഴിഞ്ഞ വർഷം നവംബറിലും രാജ്യത്തെത്തി.

അതേസമയം അയൽ രാജ്യങ്ങളുമായി സംഘർഷാവസ്ഥ നിലനിൽക്കേയാണ് കൂടുതൽ റഫേൽ വിമാനങ്ങൾ ഇന്ത്യയിലേക്ക് എത്തുന്നത് എന്നത് പ്രധാനമാണ്.