അമ്മയ്ക്കൊപ്പം മതപരമായ ചടങ്ങുകളിൽ പങ്കെടുക്കാൻ പോയ അ‍ഞ്ചുവയസുകാരിയെ പ്രതി കൂട്ടിക്കൊണ്ടുപോവുകയായിരുന്നു. സമീപത്തെ കാട്ടിലേക്ക് കൂട്ടിക്കൊണ്ടുപോയ ശേഷം കുഞ്ഞിനെ ഇയാൾ ബലാൽസംഗം ചെയ്യുകയായിരുന്നു. പിന്നീട് കുട്ടിയെ അവിടെ തന്നെ ഉപേക്ഷിച്ച് സ്ഥലം വിടുകയായിരുന്നു. കരച്ചിൽ കേട്ടെത്തിയ നാട്ടുകാരാണ് കുട്ടിയെ ആശുപത്രിയിലെത്തിച്ചത്.
കുട്ടിയെ അവസാനം കണ്ടത് പ്രതിക്കൊപ്പമാണെന്ന് കണ്ടെത്തിയതോടെ ഇയാൾക്കായി നാട്ടുകാരും പൊലീസും അന്വേഷണം തുടങ്ങിയിരുന്നു. എന്നാൽ ഒളിച്ചിരുന്ന പ്രതിയെ നാട്ടിലെ സ്ത്രീകൾ കണ്ടെത്തുകയും മരത്തിൽ കെട്ടിയിട്ട് കലി തീരും വരെ തല്ലുകയും ചെയ്തു. സ്ത്രീകളുടെ കൂട്ടം ചേർന്നുള്ള തല്ല് െകാണ്ട് ബോധം പോയ ഇയാളെ പിന്നീട് ആശുപത്രിയിൽ എത്തിച്ചെങ്കിലും മരിച്ചിരുന്നു. സംഭവത്തെ കുറിച്ച് വിശദമായ അന്വേഷണം നടക്കുകയാണെന്നും പൊലീസ് വ്യക്തമാക്കി.
إرسال تعليق