മൂന്നാം ക്ലാസുകാരൻ അനിൽ എന്ന വിദ്യാർഥിയാണ് സ്റ്റേഷനിലേക്ക് നടന്നെത്തി പരാതിപ്പെട്ടത്. ക്ലാസിനിടെ ബഹളം വച്ചതിനും പാഠഭാഗം പഠിക്കാതെ വന്നതിനും അധ്യാപിക വഴക്ക് പറഞ്ഞെന്നും മർദിച്ചെന്നുമാണ് കുട്ടിയുടെ പരാതി. ക്ലാസ് കഴിഞ്ഞതോടെ സ്കൂളിൽ നിന്നിറങ്ങി നടന്ന് 200 മീറ്റർ അകലെയുള്ള പൊലീസ് സ്റ്റേഷനിലേക്ക് എത്തുകയായിരുന്നു. വനിതാ എസ്.ഐയെ കണ്ട് കാര്യം പറഞ്ഞു.
അധ്യാപികയ്ക്കെതിരെ നടപടി വേണമെന്നും ആവശ്യപ്പെട്ടു. കുട്ടിയുടെ പരാതി വിശദമായി കേട്ട എസ്.ഐ നേരിട്ട് സ്കൂളിലെത്തി പരാതിയെ കുറിച്ച് അന്വേഷണം നടത്തി. പിന്നീട് പ്രശ്നം ചർച്ചയിലൂടെ പരിഹരിച്ചാണ് എസ്ഐ മടങ്ങിയത്. കുട്ടിയും അധ്യാപികയും തമ്മിൽ ഒത്തുതീർപ്പിലായെന്നും കുട്ടികളെ തല്ലരുതെന്ന് അധ്യാപികയ്ക്ക് നിർദേശം നൽകിയെന്നും എസ്.ഐ വ്യക്തമാക്കി.
إرسال تعليق